Benvidos á Ribeira Sacra

NOVOS BLOG, FACEBOOK E PORTAL DE YOUTUBE (04-02-2010)

O Consorcio mergúllase nas principais ferramentas de difusión online. Dende hoxe dispón de conta aberta na rede social Facebook, dun blog interactivo e de portal propio en Youtube.

Tanto a rede social como o blog, pretenden ser plataformas abertas que nos permitan comunicar e “escoitar” os comentarios, suxerencias ou dúbidas de calquera persoa ou entidade que desexe participar a través desta canle. Ao mesmo tempo, considéranse as grandes posibilidades destas ferramentas para a divulgación de Ribeira Sacra e dos seus recursos.

Acceso ó novo blog >>

Acceso al grupo de facebook >>

Acceso ó portal de YouTube >>

SINALIZACIÓN DA RUTA DO OURO (03-02-2010)

Asinada a acta de recepción da suministración de material para a sinalización da RUTA DO OURO nos concellos de Pobra de Brollón e Ribas de Sil.

Na mañá do martes 2 de febreiro, Roberto Castro, tenente de alcalde do Concello de Ribas de Sil e Adoración Fernández, concelleira de Pobra de Brollón, procederon á revisión dos materiais entregados para a creación da Ruta do Ouro que percorre estes concellos. Mesas interpretativas, murais e unidades sinaléticas comprenden a intervención para a posta en valor do pasado aurífero de Ribeira Sacra.

COMEZA A EXECUCIÓN DA SINALIZACIÓN (01-02-2010)

Revisada a derradeira versión do proxecto para a SINALIZACIÓN DE RECURSOS pola maior parte dos 20 concellos que integran este Consorcio, esta semana comezan os traballos de colocación de sinais de recusos en Ribeira Sacra.

A mellora da sinalización ven sendo unha necesidade constatada en Ribeira Sacra dende fai anos, polo que se converteu nunha intervención prioritaria no Plan de Dinamización Turística.

Ademáis de proceder á colocación de novas unidades sinaléticas, o proxecto contempla a retirada de elementos en puntos con excesiva sinalización.

Prevese a súa finalización antes de Semana Santa, cara a finais do vindeiro mes de marzo.

BALANCE EN FITUR 2010 (26-01-2010)

Máis de 5.000 persoas pasaron polo mostrador de Ribeira Sacra en FITUR 2010.

Distribuironse 3.000 carpetas de viaxe, 5.500 tríticos e máis de 1.000 elementos de merchandising.

Un total de 12 axencias de viaxe nacionais e do norte de Portugal reunironse coa presidencia e/ou xerencia do Consorcio nas mesas de traballo para profesionais.

O barquilleiro de Parada de Sil distribuiu barquillos aos máis cativos no xogo da ruleta da barquilleira durante a xornada do sábado congregando gran expectación ao igual que o alfareiro Elías González, da Reitoral de Gundivós que deleitou aos asistentes cunha mostra en vivo durante a tarde do sábado e a mañá do domingo.

Repartironse invitacións para a degustación dun viño D.O. Ribeira Sacra e dun ágape preparado pola Escola Superior de Hostalería de Galicia e servido no restaurante de Galicia.

Acceso á galería de fotos >>  

RIBEIRA SACRA VOLVE A FITUR 2010 (16-01-2010)

O Consorcio de Turismo disporá de mostrador propio no stand de Turgalicia na edición de FITUR que terá lugar entre os días 20 e 24 de xaneiro na capital española. Nas últimas semanas, o Consorcio estivo a actualizar e reeditar diferentes soportes promocionais para presentar e distribuir na vindeira edición da feira internacional de turismo. Arredor de 2.500 carpetas, 4.000 guías e diversos elementos de merchandising (entre eles: bolsas de iute, lápices e bolsiñas de gominolas para os máis cativos) serán distribuídos durante os cinco días de duración do evento.

Durante a fin de semana, o Consorcio de Turismo promoverá o coñecemento e posta en valor de dous dos oficios máis antigos e característicos da zona. Por unha banda, un barquilleiro de Parada de Sil que, cunha barquilleira feita para a ocasión, percorrerá a feira repartindo barquillos e explicando a súa labor. Por outra banda, un alfareiro de Gundivós fará demostracións en vivo nun área habilitada para tal efecto e integrada no conxunto do stand de Turgalicia con zona de exposición.

Así mesmo, no mostrador de Ribeira Sacra repartiranse 100 bonos para desfrutar no restaurante de Turgalicia dunha degustación de viño D.O. Ribeira Sacra (cedido polo Consello Regulador) acompañado dun ágape elaborado pola Escola Superior de Hostalería de Galicia.

O CONSORCIO DE TURISMO RIBEIRA SACRA RENOVA O CONVENIO DE COLABORACIÓN DA WEB CO CONSELLO REGULADOR DA D.O. RIBEIRA SACRA (16-01-2010)

O pasado mércores 13 de xaneiro José Manuel Rodríguez, Presidente do Consello Regulador, e Juan Carlos Armesto, Presidente do Consorcio de Turismo, asinaron en Escairón (O Saviñao) un convenio de colaboración que regula o uso do dominio Web entre as dúas entidades e que supón unha continuación do que se asinara baixo o Plan de Dinamización Turística.

ALTA COCIÑA EN RIBEIRA SACRA (11-01-2010)

O pasado venres 8 o Presidente do Consorcio, Juan Carlos Armesto, recibiu, xunto ao alcalde de Parada de Sil, Francisco Magide, ó último grupo de cociñeiros que visitan Ribeira Sacra dende o mes de outubro baixo o proxecto “A castaña, un patrimonio gastronómico”.

O proxecto, auspiciado polos concellos de Parada de Sil, A Teixeria e Castro Caldelas, conta coa colaboración do Consorcio de Turismo Ribeira Sacra e da Xunta de Galicia. Nunha primeira fase de traballo contémplase a edición dun libro de receitas e outros contidos vecellados á castaña que pretenden poñer en valor esta materia prima de valor indiscutible. As receitas serán elaboradas por algúns dos mestres dos fogóns máis importantes do panorama nacional e de proxección internacional que nos visitaron nos últimos meses.

Nesta visita contamos co cociñeiro Pedro Subijana, do restaurante “Akelarre” de San Sebastián, e co reposteiro Paco Torreblanca, autor da tarta nupcial dos Príncipes de Asturias. Susi Díaz do Restaurante “La Finca” de Elche, Jesús Sánchez de “Cenador de Amós” e Javier González de “A Rexidora” de Ourense pechan este cuarto grupo.

MANUAL DE VISITA (05-01-2010)

Dende 2008 existe unha completa ferramenta de información sobre a Ribeira Sacra nas librerías do territorio autonómico e nacional. É "A RIBEIRA SACRA. GUÍA PRÁCTICA", de Manuel Garrido.

Segundo o autor, esta guía, cuxos contidos eminentemente prácticos destínanse especialmente a turistas viaxeiros, intenta ser o reflexo máis claro e conciso posible do que esta zona de Galicia ofrece aos que por ela transitan.

(Dispoñibles edicións en galego e en castelán)

HOMENAXE Ó BARQUILLEIRO (21-12-2009)

O pasado sábado 19 tivo lugar a presentación do libro "O barquilleiro, vendedor d´olvido". O alcalde de Parada de Sil, Franciso Magide, en compaña dos autores do libro, o profesor Martín Álvarez e a historiadora Mª Carmen Jiménez , pretenden así homenaxear unha profesión esquecida que tivo unha importancia vital neste e noutros concellos da provincia de Ourense durante a época de posguerra, tal e como contou outro dos presentes, Xulio, o último barquilleiro do Concello.

BO NADAL (16-12-2009)

SENDEIRO DO GARABULLO (15-12-2009)

O pasado venres 11, no Axuntamento de Carballedo, tivo lugar a firma do acta de recepción da actuación "Sendeiro do Garabullo". Trátase dunha intervención financiada baixo o P.D.T. consistente na recuperación dun antigo sendeiro para a súa transformación en ruta de sendeirismo. Desbroce, adecuación do firme, sinalización, instalación de bancos e colocación dun panel interpretativo son algunhas das actuacións acometidas.

Sendeiro do Garabullo - imaxe ampliada >>  

DE NOVO CON VOSTEDES (14-12-2009)

A Web do Consorcio de Turismo Ribeira Sacra volve ao seu funcionamento habitual logo de varios meses sen actualizacións por mor de circunstancias adversas.

Rogamos desculpen a demora.

A RIBEIRA SACRA MÁIS PRETO DE TI (19-10-2009)

VIÑOBÚS VENDIMA 2009 (04-09-2009)

O Consorcio de Turismo da Ribeira Sacra organiza do 16 ao 20 e do 23 ao 27 de setembro o programa Viñobús Vendima 2009. Trátase de excursións de medio día que permitirán ao visitante saborear a comarca da Ribeira Sacra en todas as súas facetas, ademais do seu viño, durante a época da vendima: o patrimonio, a paisaxe, a gastronomía,… A actividade está financiada pola Consellería de Cultura e Turismo da Xunta de Galicia.

As rutas definiranse en función do comezo da vendima en cada unha das subzonas da denomización de orixe (D.O). Así, a partir do vindeiro mércores 16 de setembro haberá saídas dende Ourense (Parque San Lázaro), Castro Caldelas (Praza Maior), Monforte de Lemos (praza da Compañía), Chantada (Casa da Cultura) ou Pobra de Brollón, en horarios de 10:00h a 14:00h ou de 16:00h a 20:00h.

O prezo da excursión é de 4 euros e inclué o transporte en microbús, guía acompañante, visita a unha adega e cata comentada, visita ao Centro do Viño da Ribeira Sacra, degustación dun caldo D.O. e entrega dun agasallo. O billete cómprase no mesmo autobús.

Contacto e reservas
Para máis información sobre as rutas habilitadas para cada día e reservas, os teléfonos de contacto son os 606 428 286 e 638 823 592; ou a Oficina de Información Turística máis próxima.

Excursións ViñoBus Vendima 2009 >>